السلام عليكم
اعتذر عن غيااابي الطويل , واعتذر عن الايام اللي ابي اغيبها لظروف اجبرتني على الغياااب
وانشاء الله متى ماتكوون لي فرصه راح اكوون متوااجد معكم
.. هذي قصيده اعجبتني وحبيت ان انقلها لكم وانشاء الله تحوز على رضاكم يارب
العين تبكي من فراق الحبايب
وقلبي من الطعنه جروحه عميقه
من حب بعض الناس ماني بتايب
اللي ليامن غاب جاني شقيقه
من غيبته واآنا مبهذل وخايب
لا وا عذاب اللي يفارق عشيقه
كنت أحسب إنه محزمي فالنشايب
أثره سراب(ن) قد خدعني بريقه
عشت بزمن غادر وشفت العجايب
شفت الصديق يخون خوة صديقه
مجروح قلبي من طعون(ن) عطايب
من طعنة إيديها الرهاف الرقيقه
من عقبها طايح ولاني بطايب
و صدري من الحرقه غدابه حريقه
تشعل بجوفي ساعرات ولهايب
وان جيت أبسلى ما يجي لي طريقه
فإن مات حبي تحت قبر ونصايب
فلا وا عزا العاشق ويا نشف ريقه
من زود همي صرت يا زين شايب
شاب الشعر من بد كل الخليقه
فإن جا ضلام الليل وهبت هبايب
و الحزن بان وصار فالصدر ضيقه
أكتب معاناتي وفرقا الحبايب
وأسنع نواويل الحزن و الموسيقه
وصوت ابو نوره يزيد المصايب
الله من دمع(ن)عيوني تريقه
ودموع عيني فوق خدّي سكايب
ومحاجر عيوني بدمعي غريقه
وأقول ودي ايغيب ونقول غايب
لكن فراقه دون رجعه وثيقه
أقول قولي مدري ويش السبايب
والعالم الله عن خوافي الحقيقه
موضوع: العين تبكي 
يا مدير المنتدى